老媽鍾意飲茶,某程度上係因為有幾款點心特別愛吃,不過老人家唔食得太肥膩的,但臘腸卷就係佢至愛,茶樓蒸出來嘅都是肥到漏油,但佢又為食,以前做過通波仔都冇有怕,我見親佢食臘腸卷,就驚驚!最近朋友話點解唔自己學整,臘腸潤腸肥瘦可以自己揀,我不嬲係「奇華」鐵粉,知道久唔久就有班,可以學整好多野食,入秋後有「迷你臘味卷及壽桃包班」,一堂可以學整兩樣野,省時方便,梗係即刻報名啦!同朋友仔一齊去學仲有個伴添!

今晚做完野過來在合和中心對面嘅灣仔奇華工作坊,學整迷你臘腸卷、潤腸卷,仲有母親大人生日吃的蓮蓉壽包,平時無乜天份的我,諗著膽粗粗讓靚女師傅教我呢舊飯,逐步跟著學又好似唔太難呢!

師傅和其助手預早為我地準備左材料,先造麵糰,有低筋麵粉、生粉、砂糖、酵母、泡打粉、牛奶和水,仲有優質靚豬油(屋企有印尼姐姐嘅就要話佢知),放晒入攪伴機,混合成麵糰,好像小時候學整湯圓一樣,搓一個大圓球,再等15分鐘自然發酵,用保鮮紙蓋好勿讓水份流失。發酵完成便可以將麵糰分成40克(用來造臘腸卷、潤腸卷)和45克的份量(用來造蓮蓉壽包)。師傅會預先將臘腸入爐焗一段時間令它變軟兼焗走一部份油,奇華臘腸的豬肉跟肥肉比例是七三,唔使驚會過肥。

好,等待一會便將麵糰弄扁再拉長。用手指公和中指拿起臘腸,把一條麵糰由臘腸的一頭開始,慢慢打轉往下包住腸身,膶腸也是同樣的做法,包好的臘腸跟膶腸用保鮮紙蓋好再放15分鐘靜置,才入爐蒸15分鐘。

至於蓮蓉蛋黃壽包,材料有金黃蓮蓉,鹹蛋黃,今次做三個壽包,每個有重20克的蓮蓉,4份1個鹹蛋黃,把鹹蛋黃包入蓮蓉,又搓成球狀,然後將那之前預備的45克麵糰壓成圓形,師傅話個邊緣要薄一點,然後把蓮蓉餡放在圓形麵餅中,包裹好,收口向下,把包的頂部收成尖形狀,記得用大圓匙壓一個痕,蒸好就有壽包的模樣了。要學識點樣整,就梗係要去上堂至學得詳細啦!

奇華工作坊 地址:香港灣仔皇后大道東188號2樓 (近灣仔港鐵站D出口) 營業時間:星期二至五 13:00 – 22:00 星期六、日及公眾假期 10:00 – 19:00 (逢星期一休息) 熱線電話:(852) 2343 8106 熱線服務時間: 星期一至五 09:30 – 18:00 (13:00-14:00午膳時間及公眾假期除外) What’s app:(852) 9228 9517(只限What’s app回覆) What’s app服務時間:星期二至日 (24小時內回覆) 電郵:[email protected] #奇華工作坊 #keewahstudio #臘膶腸卷壽桃包班