圓圓最愛的是啫喱糖,五顏六色,多多味道,小時候見到就鍾意,兼且啫喱糖係Party Time必備甜品,即係見到類似的東西就係開心時刻,令人期待!近日The Ritz Carlton HK的Café 103, 跟來自美國洛杉磯奢華至潮糖果品牌Sugarfina®玩crossover,其中有以好受名人歡迎,以Dom Pérignon陳年香檳製作的Champagne Bears香檳小熊軟糖點綴做嘅甜點,總之見到就開心!Sugarfina®甜蜜春日下午茶日至6月30日,要試就快啲,過左今個月就冇㗎啦!

是次餐單包括4款鹹點,以及6款由酒店行政糕點總廚駱育文與其團隊精心設計的甜點。甜點的創作靈感乃源自Sugarfina® 的手工糖果,每一款作品也盡顯廚師團隊的匠心巧思。甜點將 Sugarfina 最signature的幾款軟糖加入其中,再加上為今次的下午茶特別訂製左 Sugarfina 粉藍糖果車,一邊食,日邊欣賞,同朋友們分享,看維港好風光,快樂無窮啊!Sugarfina®甜蜜春日下午茶 甜點「Champagne Bears®」是以Dom Pérignon 年份香檳造的小熊軟糖。甜品杯中盛載著香濃幼滑的香檳味忌廉,表面蓋以香檳味啫喱,另外加入沁甜的蜜糖、糖漬青檸與士多啤梨。酒店行政糕點總廚駱育文參考Sugarfina® 的雪糕筒軟糖,炮製出幾可亂真的「Ice Cream Cone」甜點。他在色彩繽紛的迷你脆筒中注入酸度怡人的紅桑子果醬和雲呢拿忌廉,再放上一顆雪糕筒軟糖作點綴,好可愛呀! 咸點是下午茶點必吃。 「烤蘑菇配黑松露洋蔥餡餅」內裡的雜菌醬裡加入了黑松露醬,每一口也散發出香馥誘人的氣息。 「Pink Flamingos」甜品杯中載有粉紅葡萄柚啫喱和雲呢拿慕絲,加上香脆可口的牛油脆脆,頂部更是一片印有紅鶴圖案的白朱古力,好美味。

Café 103 x Sugarfina 甜蜜春日下午茶

地點:香港麗思卡爾頓酒店 Ritz-Carlton 103樓 供態時間:3:30至5:30pm 日期:即日至2019年6月30日 價錢:每位HK$398,可另加HK$510配搭Dom Pérignon 2009香檳一杯(另加一服務費) 訂座/查詢:2263 2270 *享用下午茶將獲贈 Sugarfina Treat Bar 軟雪糕或飲品禮券一張