上個星期,看見facebook資深旅遊行家朗哥哥去完臺灣回來,運咗兩箱愛文芒返港,恨到我口水不停流。昨晚我出差回來,今日知道一向在永安地庫專賣臺灣食品嘅「臺灣米榖雜糧精品展售會」有得賣靚靚愛文芒,有買當然要趁手。

因為除了米榖雜糧產品,仲有紅紅嘅愛文芒,水果攤位的靚姐話,呢幾日送幾多來賣幾多,我梗係買幾隻比媽媽吃啦!$84兩隻,搭埋飛機來,咁嘅價位係咁上下。阿姐仲話啲烏龍香蕉,唔夠一粒鐘賣哂!聽講此蕉香夾甜,可惜我跟佢緣慳一面!不過我有幸試食到桂圓黑糖地瓜酥 (下),酥脆帶自然甜的口感,係好健康嘅小食。

臺灣農業發達,有好多唔同嘅特色米品種,唔同嘅米香及軟硬度,可以滿足白米飯、粥、炒飯、燴飯、燉飯、壽司、飯糰、便當、粽子、油飯、米粉、麻糬及各種特色製品的多樣化需求。現場仲有一隻黑仁花生,粒花生係黑色㗎!超鬆脆!太多產品,係臺灣鐵粉嘅,就趁仲有一個禮拜,快啲去佐頓永安百貨睇下啦!

展銷期間(由即日起直至3/6),凡於臺灣食品廣場購買臺灣指定食品,可享有九折優惠。
地點:九龍 彌敦道 345 號 永安百貨地庫臺灣食品廣場(港鐵佐敦站 A 出口)
電話:2710 6288
營業時間:10:30am-10:00pm