唔係你話自己個廚師有幾勁就係幾勁,圓圓嘴尖,添加了化學味的酒樓食肆,或是擺盤美觀但味道一般,唔會番轉頭再去,尤其是優質食堂如五星酒店中菜廳,我亦唔會用粒粒米芝蓮星去衡量,因為品評的都唔係本地人。Presentation固然重要,但內涵才是我最重視的。尖沙咀凱悅軒由高手盧貴溪師傅掌管這十年來,每一次給客人弄的經典菜式都令人心思思食過番尋味,一個月唔夠,圓圓就想再吃,老實講,地點認真方便,地鐵直達,去到K11上電梯即到,約人最方便,凱悅軒沒有傳統中菜食肆的金碧輝煌,而是帶著茶館兼高樓底寬趟舊時文藝感覺,二或四人可book卡位,好cosy,一家人或是親朋聚會亦可訂貴賓廳,環境無得輸!冰鎮鹵水九孔鮑,鮑魚好清甜,下面嘅海蜇好味爽口。

那天本來想吃signature dish「四寶燉萬壽果」,不過好認真的總廚話,原本用來清燉嘅木瓜來貨唔夠靚所以唔用,冇得吃於是來碗「花膠北菇燉菜膽」,件花膠夠厚身,北菇亦是頂級貨色,男女朋友們都讚吃回兒時去飲的味道,吃了覺得心窩暖了!吃過了至愛「筍尖蝦餃皇」,許多的點心和主菜,靚女M則大讚那「茉莉花茶燻雞」,說就選放涼了都好吃!我就最喜愛「乾逼粉絲龍蝦煲」下面的粉絲,和「鮮百合炒時蔬」,百合塊塊爽口,當然甜品少不了,吃完幾款,捧著肚子回家來個午睡,好過做神仙了!

必吃雜菌素菜腐皮卷、蜜汁叉燒。

每次來都要order的鬆脆安蝦鹹水角,和一口吃完的筍尖蝦餃皇及帶子鮮蝦時蔬餃。

記得一定要點中間的XO醬,足料勁夾蝦餃皇。

花膠北菇燉菜膽,望下件花膠北菇有幾厚啦!

清新健康之選,豉油皇玉簪煎斑片、鮮百合炒時蔬。

見到咁多肉嘅龍蝦,就知下面粉絲有幾滋味。

茉莉花茶燻雞真係茶香撲鼻。

家鄉茶粿小小件,好煙韌。

冰糖葫蘆面上的糖咬落仆仆脆。

蓮蓉西米焗布甸、蛋白杏仁茶、酥皮流沙盞都是師傅傑作。

飲完碗花膠北菇燉菜膽,個樣又滑左。

凱悅軒掌舵人盧貴溪師傅,入行三十逾年,經典菜最耍家

凱悅軒
香港九龍尖沙咀河內道18號香港尖沙咀凱悅酒店三樓
訂座電話:3721 7788
午餐
星期一至五:上午11時30分至下午2時30分
星期六、日及公眾假期:上午11時至下午2時30分
晚餐
每晚6時30分至10時30分
網站:hyattregencyhongkongtsimshatsui.com