上星期係情人節,雖則我無情人,但唔常見但在心中嘅好朋友都唔少,真係要多謝佢地肯花時間同我傾計或者分享下開心事,(連我嘅德國前度都有 send whatsapp 問候,仲傾左一大餐)真係 no complain 囉!新一年登上高處,同班好朋友去食 Tea,就係 Ritz Carlton Café 103 嘅 Givenchy I Believe in Pink 下午茶聽個名就知係玩 crossover,Café 103首次跟 Givenchy Beauty 合作,靈感源自 Hubert de Givenchy Haute Couture 的粉紅配上的 LE ROSE PERFECTO華麗盈彩修護唇膏系列,只係見到個貴氣又 romantic 嘅下午茶層架,(櫻粉紅真皮外殼配銀色棱鏡鉚釘)設計,連唇膏管身,真係齋睇都開心呀!

特別設計嘅 GIVENCHY 下午茶層架,成個粉紅色,靚到係咁影唔停。

下午茶包含 5 款甜點、4 款開胃鹹點配以香烤鬆餅,甜點更以 LE ROSE PERFECTO 的四款彩修護唇膏色系命名:
「Pink Kiss」:有一片朱古力紅唇的士多啤梨撻,更有紅桑子醬潤澤為朱古力嘴唇。
「Soothing Red」:白朱古力殼內盛載著濃郁的朱古力忌廉 + 香脆的紅桑子粒與軟滑的紅桑子忌廉。
「Perfect Rose」:有玫瑰慕絲、杏仁蛋糕、荔枝啫喱和紅桑子脆脆4個層次的荔枝玫塊杯。
「I Believe in Pink」:夾著粉紅番石榴啫喱和雲呢拿慕絲的軟滑蛋糕。

每份港幣$398(另加港幣$30可配洛神花薑茶一杯)

酒店行政糕點總廚駱育文以紅桑子和粉紅番石榴等天然食材入饌,取其天然色彩,炮製出帶有不同粉紅色調的糕點,演繹出粉紅的千變萬化。

粉紅番石榴配雲呢拿蛋糕則以 Givenchy 的口號「I Believe in Pink」而命名。兩層綿密的雲呢拿蛋糕之間夾著粉紅番石榴啫喱和雲呢拿慕絲,蛋糕表面更佈上鏡面般的粉紅番石榴醬,讓人一見傾心。

「Pink Kiss」士多啤梨撻
造型出眾,內裡有著沁甜的糖漬士多啤梨和綿滑無比的士多啤梨慕絲,客人更可親自以附送的紅桑子醬為朱古力嘴唇添上一層奪目色彩,可見大廚的匠心巧思。

「Soothing Red」紅桑子朱古力蛋糕
香脆的紅桑子粒與軟滑的紅桑子忌廉為甜點增添豐富的口感層次。白朱古力殼內盛載著濃郁的朱古力忌廉,大廚於是別出心裁地加入酸度怡人的紅桑子果醬,打造出甜而不膩的滋味。

「Perfect Rose」荔枝玫塊杯
頂層有印有 Givenchy 經典標誌的一片朱古力片
由上至下 sweet 到呢!紅桑子脆脆、荔枝啫喱、杏仁蛋糕、玫瑰慕絲

賓客凡惠顧「Givenchy I Believe in Pink」下午茶,即可於 Givenchy Beauty 美妝專櫃 (DFS 除外) 換取全新 LE ROSE PERFECTO 迷你唇膏及及皇牌產品試用裝乙份。十位幸運兒將有機會嬴取全新 LE ROSE PERFECTO 唇膏乙枝,詳情將稍後於 Givenchy Hong Kong 的 Facebook 專頁公佈。此外,於2019年2月14日享用下午茶的食客將可獲贈情人節限量版水杯乙隻。

「Givenchy I Believe in Pink」下午茶
地點: 香港麗思卡爾頓酒店103樓 Café 103
時間: 下午3時30分至5時30分
日期: 2019年2月1日至3月31日
價錢: 每份港幣$398(另加港幣$30可配洛神花薑茶一杯)

以上價目另收加一服務費。餐廳訂座或查詢請致電 (852) 2263 2270 或電郵至[email protected]