平時晚飯好少會揀自助餐,一來懶得出出入入取食物,二來編輯圓圓個胃比較敏感,容易搞肚,穩陣計如果要同一大班朋友食自助餐,就真係要揀高檔次一點的酒店,因為佢地處理海鮮活魚刺身都較為嚴謹,上星期去咗尖沙咀凱悅酒店率先試剛開始嘅【現煮活阿拉斯加帝王蟹專區】自助晚餐,全晚無限量供應㗎!唔怕食完一輪就冇,隻隻蟹腳差唔多有 3cm 直徑咁闊,個胶位有我成個拳頭咁大,真係食完隻腳飽咗一半呀!有朋友話,食四隻蟹腳就可以回本!隻帝王蟹超級重,我舉起都好吃力㗎!

隻蟹腳差唔多有 3cm 直徑,前端有我拳頭咁大。

「活龍蝦」升格變「活阿拉斯加帝王蟹」
尖沙咀凱悅酒店咖啡廳一向以現煮活龍蝦專區為食客認識,依家9月至10月,自助晚餐嘅活龍蝦專區將會升級,在星期五、六、日晚轉為「悅新鮮」阿拉斯加帝王蟹專區,大廚會將生猛嘅帝王蟹即時烹煮,鮮甜又彈牙,到我食甜品嗰陣都仲源源不絕供應。另外,現場有即劏魚刺身,包括油甘魚、平政、章紅魚和鰹魚,魚生質素有保證。在星期五、六、日晚供應其中三款,切魚分刺身時會敲響鑼鼓通知客人來取。

「悅新鮮」即劏原條刺身,包括油香豐腴的油甘魚、肉嫩味濃的平政、甘甜清爽的章紅魚和口感紮實的鰹魚。

分時段敲響鑼鼓通知客人來取即劏魚刺身

食自助餐,最緊要多選擇,又要質素夠好!我自己對扒類有特別要求,現場有即煎「悅新鮮」鐵板燒專區,可以現點西冷牛扒、羊架同埋鵝肝,喺海鮮專區則有我喜歡嘅魷魚、鱸魚、比目魚、秋刀魚等,平時我好少食魷魚,因為驚多膽固醇,不過喺呢度,可以鍾意食邊件就指比廚師睇,即刻煎,熱辣辣唔會喺熱盤擺到老擺到韌。

即席現煎厚切扒

肉味豐富濃郁

任你選多款魚類鐵板煎

滋補燉湯女士最愛

有扎肉為配料的即煮越式生牛肉湯粉。

豬腳稔到黏咀,薑入味而醋香濃。

甚少有自助餐有此質素嘅沙冰。

我就最喜歡以鵝肝醬,用來搽餅乾,口感一流。

脆卜卜的小葡撻,食完一個又一個。

好香芒果味的楊枝甘露

小朋友最鍾意五顏六色的甜品同雪糕。

喜歡坐英式圖書館內廳,舒服又雅致。

「悅新鮮」阿拉斯加帝王蟹專區
2018年9月1 日至10月31日
「悅新鮮」生猛阿拉斯加帝王蟹專區:逢星期五、六、日、公眾假期及前夕自助晚餐時段供應
「悅新鮮」生猛龍蝦專區:逢星期一至四自助晚餐時段供應

自助晚餐 :
星期一至五:晚上6 時至10 時
星期六、日及公眾假期:晚上6 時30 分至10 時
星期一至四:成人 $628 小童 $314
星期五至日、公眾假期及前夕:成人 $688 小童 $344
地址:香港尖沙咀凱悅酒店大堂樓層
訂座:+852 3721 7700,或透過酒店網頁預訂。

Facebook 專頁:
https://www.facebook.com/HyattRegencyHongKongTsimShaTsui
https://www.facebook.com/CafeHyattTST/
Instagram 專頁:
https://instagram.com/hyatttst

酒店聯絡資料
香港尖沙咀凱悅酒店
香港九龍尖沙咀河內道18 號
電話:+852 2311 1234
hyattregencyhongkongtsimshatsui.com