小心青蛙出沒!女生至愛日本化妝護膚品店鋪Cosme Store正式登陸香港,去日本遊玩時男生就要行埋一邊,太太要買要睇要行,老公都要跟著尾做比錢個part,而家各位男男女女,靚媽靚爸可以係香港慢慢行慢慢嘆,係呀,係慢慢嘆呀!上星期五開幕禮,我呢個第一代美容博客圓圓梗係親身第一時間到現場睇真D啦!如果太多牌子唔知點揀,可以去美妝排行榜陳列架,邊款好賣,邊個係皇牌,一目了然!
在星光行的Cosme Store比日本本店還要大呀!店內專賣日本限定美妝品牌、專櫃化妝品牌等300多個品牌,當中仲有多達80個首次登陸本地既品牌,行勻試勻睇怕都要大半日,幾乎每樣貨品都有得試,好似SOFINA Primavista Ange、@cosme nippon、CHACOTT、Cher-Couleur、DAZZSHOP、FLOWFUSHI和LE WATOSA都係第一次來港。連李英愛自家品牌 Lyanature co. Hong Kong 都有在列,真係好鬼勁!

佢地呢度D店員都係經過嚴格日式訓練,,有單對單的肌膚分析服務及化妝體驗服務,店內仲設有多個諮詢及補妝專區。兼有得賞排名貼紙、手繪POP廣告、產品資訊咭等美妝情報,美妝排行榜陳列架,美妝迷大使MikaeL等元素,個日要趕稿,無計要快閃,我都係要搵日再去過,真係行極都唔嫌多呀!
@cosme store Star House
地址 :香港尖沙咀星光行105號舖
營業時間 :10AM~10PM